Жайық өзені арқылы өтетін көпірді жөндеу жұмыстары маусым айында басталып, тамызда аяқталады деп жоспарлануда. Ұзындығы 860 метр болатын көпірді қайта жаңғырту барысында асфальт жабындысын, жаяу жүргіншілер жолын және темір қоршауларды жаңарту жұмыстары көзделген.
Деформациялық тігісті жөндеу, жол белгілері мен жарық шамдарын қосымша орнату да қарастырылған. Тұрғын үй-коммуналдық шаруашылығы, жолаушылар көлігі, автомобильдер жолдары және тұрғын үй инспекциясы бөлімінің басшысы Ибрагимов Ақесен Камалиденұлының мәліметінше, аталған жұмыстарды мердігер мекеме «Salem construction» жүзеге асырады.
Индер-Орал, Индер-Атырау тасжолын жалғайтын орталық көпірдің ой-шұңқыры жойылып, қалыпқа келтіріледі.
Аудан әкімінің баспасөз хатшысы
