Қазіргі қоғамда суицидтің алдын алу мәселесі өзектілігін жоғалтқан жоқ.
Бұл – тек бір саланың емес, бүкіл қоғамның ортақ жауапкершілігі. Адам өмірі – ең жоғары құндылық, сондықтан әрбір азаматтың психологиялық саулығына назар аудару маңызды. Отбасындағы түсіністік, білім беру ұйымдарындағы қолдау, уақтылы көрсетілген психологиялық және әлеуметтік көмек қайғылы жағдайлардың алдын алуға мүмкіндік береді. Суицидтің алдын алу бағытындағы кешенді жұмыстарды күшейту арқылы ғана біз қоғамда өмірге деген сенім мен үмітті арттыра аламыз.
