Индербор кентінің ішінде бағдаршамның тыйым салынған (қызыл) белгісіне тоқтамай өтіп кеткен жүргізуші жазаланды.
Аудандық полиция бөлімінің хабарлауы бойынша, ол ұйымдастырылып жатырған "Құқықтық тәртіп" Жедел профилактикалық іс-шарасы аясында 20.04.2021 жылы патрульдік полиция қызметкерлерінің күндізгі ауысымы кезінде белгілі болған. Жүргізушінің жеке басын анықтау кезінде бұрын заң шеңберінде жүргізуші куәлігінен айырлғандығы да анықталды.
Осы азаматтың алғашқы іс-әрекетіне ҚР ӘҚБтК-нің 685 бабын басшылыққа ала отырып, өзінің құзыреті шегінде лауазымды тұлға тыйым салынған бағдаршам белгісіне өтіп кеткені үшін ҚР ӘҚБтК-нің 599 бабының 1 бөлігімен айыппұл салып, осы әрекетін жасау кезінде жүргізуші куәлігі болмай тұра көлік басқарғаны үшін лауазымды тұлғаның қатысуымен ҚР ӘҚБтК-нің 612 бабының 3 бөлігімен әкімшілік хаттама толтырып, іс-құжат Индер аудандық сотының қарауында қаралып аталған тұлғаның іс-әрекетіне 50 АЕК мөлшерінде әкімшілік айыппұл түріндегі әкімшілік жаза тағайындады.
"Дендер"-Ақпарат
