Бүгін 23 маусым - Қазақстан полициясы күні. Тәртіп пен қауіпсіздікті қадағалайтын полиция қызметкерлерінің жұмысы қашанда қарбаласқа толы. Асқан қырағылық пен табандылықты талап ететін бұл қызметтің жауапкершілігін арқалау әсте оңай емес...
Құрметті, Ішкі істері органдарының ардагерлері! Құрметті, Әріптестер!
Қазақстан полициясы-еліміздің қоғамдық қауіпсіздігі мен тәртібін қамтамасыз етудің, азаматтардың конституциялық құқықтары мен бостандықтарын қорғаудың, қылмыспен күресте қабілеттілігі мықты мемлекеттік жүйе болып табылады. Бүгінде басқа да атаулы күндер мен мерекелердің ішінде ерекше орын алатын кәсіби мейрам – Қазақстан полициясының күні атап өтілуде.
Сіздердің адамдармен тығыз қарым-қатынаста жұмыс жасап, олардың құқықтары мен заңды мүдделерін қорғау мәселелерін шешуге, қылмыспен күреске атсалысатын осындай жауапкершілігі мол, тәуекелге толы, қоғамымызға ең қажет қызметіңізге сәттілік, мықты денсаулық, толағай табыс тілей отырып, отбасыларыңызға олардың сабырлығы мен төзімділігі үшін шынайы ризашылығымызды білдіремін.
Б.И.Джанзаков
Индер ауданы полиция бөлімінің бастығы
полиция полковнигі
