«Қазіргі таңда жылжымалы референдум жәшіктері үй-үйлерді аралап, дауыс жинауда» деп хабарлайды atpress.kz
Атырау қаласындағы №7 референдум учаскесінің төрайымы Айнагүл Ахметованың айтуынша, үйде дауыс жинау қызметін ұйымдастыру үшін арнайы топ құрылған. «Мәселен, №7 референдум учаскесінің 12 мүмкіндігі шектеулі сайлаушы бар.
Оның ішінде 7 адам есту қабілетінен айрылғандар, 5 адам арбада таңылғандар. Референдум учаскесі тарапынан арнайы топ құрылып, учаске төрайымының орынбасары, өкіл, қауіпсіздік қызметінің мамандары үй-үйді аралап дауыс жинау үстінде» дейді Атырау қаласындағы №7 сайлау учаскесінің төрайымы Айнагүл Ахметова.
Еске сала кетелік, елорда уақытымен сағат 16:00-дегі ақпарат бойынша, Атырау облысы бойынша сайлаушылардың 56,19%-ы дауыс берген.
