Сайлауға алғашқылардың бірі болып дауыс берген Дархан Ізмұханов — еркін күрестен Қазақстан чемпионатының жастар арасындағы қола жүлдегері, Атырау және Батыс Қазақстан облысының бірнеше мәрте жеңімпазы. Соңғы бірнеше жылдан бері аудандық балалар спорт мектебінің Жарсуат ауылындағы бөлімінде шәкірт тәрбиелеуде. Шәкірттерінің арасынан Бекнұр Қойшыбаев Қазақстан кубогының иегері, Астанадағы Қажымұқан атындағы спорт интернатының тәрбиеленушісі. Сонымен қатар Дархан Молдабаев Ақтөбе облысы, Әди Әлихан, Еламан Өмірзақов Атырау облысы құрамасының мүшелері.
– Бүгінгі демалыстағы шаруамды сайлаудан бастағанды жөн көрдім. Қазір ғана дауысымды беріп, өз таңдауымды жасадым. Еліміздегі елеулі оқиғаға бей-жай қарамай белсенді қатысу – әрбір азаматтың басты парызы деп білемін, – дейді ол.
С.Сансызбайұлы
