Атырау облысында өткен тәулікте 11 адамда коронавирус індеті ПТР арқылы расталып ауырғаны белгілі болды, – деп хабарлайды Атырау облыстық денсаулық сақтау басқармасының баспасөз қызметі.
Қауіпті дертке шалдыққан науқастардың 7-еуі Атырау қаласынан тіркелген. Сондай-ақ, Жылыой, Құрманғазы аудандарынан – 1 , Индер ауданынан – 2 адамнан covid-19 жұқпасы анықталған.
Коронавирус жұқпасымен науқастанғандардың 4-еуінде ауру симптомды, қалғанында симптомсыз түрде өтіп жатыр. Өткен тәулікте инфекциялық стационарда ем алып жатқан 2 адам коронавирус инфекциясынан жазылып шықты.
Айта кетейік, қазіргі уақытта 108 адам үй жағдайында емделуде. Ал, облыстық инфекциялық стационарда 31 науқас, Теңіз кенішінің инфекциялық стационарында 28 адам ем қабылдауда.