Бұл туралы аудан әкімі Дарын Шамұратов кент тұрғындарымен кездесу барысында айтты, деп хабарлайды DENDER.KZ
Кент тұрғындарының негізгі мәселелерінің бірі - апатты үйлерді көшіру екенін жақсы білеміз. Аудан әкімдігі тарапынан апатты үйлердің мәселесін шешу бағытында мүмкіндігінше барлық шаралар ұйымдастырылуда. Өткен жылы Индербор кентіндегі апатты З.Қабдешев №7 және №11 үйдегі 16 тұрғынға тұрғын үй алып берілген болатын.
- Бұл жұмыстар биыл да жалғасады. Қазіргі таңда бюджеттен 264 млн.теңге бөлінді. Мамыр айында аудандық мәслихат, қоғамдық кеңес және қоғам белсенділерінен құралған комиссия тұрғын үйлерді зерделеп, ең бірінші кезекте апатты жағдайда тұрған үш тұрғын үйге тоқталды. Олар, Қабдешов көшесіндегі №5 ,9, 12 тұрғын үйлер. Қазіргі уақытта аталған үйлерді бағалау жасау үшін конкурсқа берілді, бағалауға байланысты жұмыстар жүргізіледі.
Осы жұмыстар ұйымдастырылса аталған үйлердегі 24 тұрғынды баспанамен қамтимыз, - деді аудан әкімі.
