Индер ауданында Бөдене орта мектебінің ұйымдастыруымен 2014-2015 жылы туылған жасөспірімдер арасында кіші аяқ доптан «BUDENE CUP» турнирі өтті.
Балалардың қысқы демалысын қызықты өткізу мақсатында Индер балалар жасөспірімдер спорт мектебі базасында өткен жарыста «Бөдене», « Жарсуат», «Жас буын», «С.Сейфуллин мектебі», «Индер БЖСМ» командалары бақ сынады.
Бәрінен өза шапқан аудандық «Индер БЖСМ» бірінші орынды жеңіп алса, екінші орын «Жас буын» командасына бұйырды. Ал үшінші орынды «С.Сейфуллин мектебі» еншіледі.
Сондай-ақ үздік нәтиже көрсеткен Ералы Сатыбалды (Индер БЖСМ) «Үздік шабуылшы», Мулен Мұратұлы (Жас буын) «Үздік қақпашы», Жақсылық Салауат (С.Сейфуллин мектебі) «Үздік ойыншы» атағын иеленді.
«Ойын өте қызықты әрі әділ өтті. Осындай жарыстардың жиі өтуі шәкірттеріміздің спортқа деген қызығушылығын оятып қана қоймай, телефонға телмірмей денсаулығына көңіл бөлулеріне үлкен ықпалын тигізері сөзсіз. Ұйымдастыру алқасы мектеп директоры Тасимов Абзал мырзаға және денешынықтыру пәні мұғалімі Халин Өмірбекке ризашылығымызды білдіреміз» дейді Индер балалар жасөспірімдер спорт мектебінің жаттықтырушысы Самиғолла Піштібаев.
А.БОКИРОВА
