Африка құрлығындағы Тунис елінде еркін күрестен рейтингтік турнир аяқталды. Жерорта теңізінің жағасындағы бұл елге әлемнің 17 елінен келген 140-астам палуан күш сынасты. Қазақстан ұлттық құрамасы табысты өнер көрсетті.
Әсіресе, біз жанкүйер болып отырған  Индердің түлегі Сырбаз Талғат 70 келі салмақ дәрежесінде күш сынасты. Іріктеу кезеңдерінде Тунис елінің палуандарынан ұтты. Жартылай финалда үндістан палуаны К.Караннан басым түсіп, финалға шықты. Өкінішке орай, ақтық сында жеңіс америкалық қарсыласының уысында кетті.  Сөйтіп, күміс жүлдені қанағат тұтты.

C.Базарбаев