Қордайдағы қақтығыс: полицияға бағынбағандар сотталды

Бас прокурордың орынбасары Ерлік Кененбаев Жамбыл облысы Сортөбе ауылында полицияға бағынбаған 3 тұрғын 1,5 жылға сотталғанын айтты, деп хабарлайды Tengrinews.kz тілшісі.

Қордай ауданы Сортөбе ауылында 3 тұрғын полицияның талабына бағынбай, жанжал шығарған. Бұл оқиғаның видеосы әлеуметтік желіде тараған.

"4 ақпан күні Сортөбе ауылындағы тұрғынның бірі Honda Odyssey маркалы көлігімен полиция қызметкерлерінің заңды талабына бағынбай, үйіне кетіп қалған. Үйінің жанында көлік жүргізушісі туыстарымен полиция қызметкерлеріне қарсы күш қолданған. Күдіктілер бірден ұсталып, сот санкциясымен қамауға алынды", - деді ол орталық коммуникациялар қызметінде өткен брифингте.

Сондай-ақ, бас прокурордың орынбасары тұрғындардың тәртіп бұзғанын желідегі видеодан анық көруге болатынын атап өтті.

"Олардың заңсыз әрекеті полиция қызметкерлерінің жауабымен ғана емес, куәгерлердің телефонына жазылған көптеген бейне жазбамен расталды. Осы оқиғаны интернет ресурстарындағы бейне роликтерден де көруге болады", - деді Ерлік Кененбаев.

Сондай-ақ, ол өткен аптада тәртіп бұзғандар сотталғанын атап өтті.

"Осы жылдың 18 наурызында 3 адам сот үкімімен кінәлі деп танылды. Сот әрқайсысына 1,5 жылға бас бостандығынан айыру жазасын тағайындады", - деді бас прокурордың орынбасары.

Айта кетейік, 7 ақпанда Жамбыл облысы Қордай ауданы Масанчи ауылында тұрғындар арасында жаппай төбелес болды. Оқиға салдарынан 11 адам қаза тапты, 25 қылмыстық іс қозғалды. Сондай-ақ, Ауқатты және Бұлан Батыр ауылдарында жанжал шықты. Бұзақылар металл заттарын, атыс қаруын қолданған.

Медициналық мекемелерге 137 адам көмек сұрап келді. Екі полицей зардап шеккен. 30-ға жуық үй, 15 сауда орталығы қираған, 23 көлік өртенген.

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика