Өрлік ауылының мәдениет үйінде ✓120 сайлау учаскесі орналасқан. Сайлау сағат 7.00-де  Қазақ Елінің Гимнімен ашылған соң, учаскелік сайлау комиссиясының төрағасы Мағиса Ибрашева саяси науқанды ашық деп жариялады. 
Құрылыс саласының ардагері,  қарт сайлаушы Мұрат Қаржауов пен жас сайлаушы,  Каспий өңірі коледжінің дәне тәрбиесі мамандығының студенті  Нұрдәулет Рашитұлы сөз алып,  игі тілектерін білдірді. 
Аталған сайлау учаскесінде барлығы 1570 сайлаушы болса,  сағат 10.30-ға дейін 688 адам дауыс беріп үлгеріпті. 
—Бұл дегеніңіз сайлаушылардың 43,82 пайызы. Жалпы сайлаушылардың белсенділігі жақсы,  —дейді аталған сайлау учаскесінің төрағасы Мағиса Ибрашеваны сөзге тартқанымызда. 
Сондай-ақ сайлау учаскесіне қарасты қырлықтағы Аққұдық,  Шегенді, Абдрахман, Таласкөл,  Қарақұдық сынды елді мекендерге сайлайлаушылардың дауыс беруі үшін арнайы  көлік аттанған екен.

С. Сансызбайұлы