Атырау облысында коронавирус инфекциясынан тағы 7 адам айығып шыққан. Бұл жөнінде Жедел штабхабарлайды.
Жедел штабтың мәліметіне сәйкес, олардың барлығы - Теңіз кенішінде жұмыс істейтін ер адамдар. - Қазіргі уақытта емделіп шыққандардың жағдайы қалыпты, өздерін жақсы сезінеді. Коронавирустың бар-жоғын анықтау үшін жасалған соңғы тест теріс көрсеткіш көрсетті, - дейді жедел штаб.
Осылайша, Атырау облысында коронавирустан жазылып шыққандар саны 233-ге жетіп отыр. Оның ішінде 156-ы – Теңіз кенішінің жұмысшылары.