Барлық азаматтар сақтандыру жарнасын төлеуге міндетті

КӘСІПКЕРЛЕРДІҢ НАЗАРЫНА

Қазақстан Республикасының 2015 жылғы 16 қарашадағы «Міндетті әлеуметтік медициналық сақтандыру туралы» №405 Заңына сәйкес, барлық азаматтар сақтандыру жарнасын төлеуге міндетті.

Бүгінгі таңда, міндетті әлеуметтік медициналық сақтандыру жүйесінде сіздің статусыңыз «сақтандырылмаған» деп тұрса, ойланыңыз. Өйткені, сізге кез келген уақытта профилактикалық медициналық тексерулерден өту, консультатвитік-диагностикалық көмектерді қабылдау (қымбат зерттеулер, компьютерлік томография, ультра дыбыстық зерттеу және тағы басқа), жоғары мамандандырылған медициналық көмек (үй стационары, күндізгі стационар, тәулік бойы жұмыс істейтін аурухана), медициналық реабилитациядан өтуде кедергі туындайды.

Сақтандырылмаған болсаңыз, Қазақстан Республикасы Үкіметінің
2020 жылғы 16 қазандағы «Тегін медициналық көмектің кепілдік берілген көлемінің тізбесін бекіту туралы» №672 Қаулысы негізінде мемлекет кепілдік берген тегін медициналық көмек пакетінде медициналық көмекке құқығыңыз бар. Яғни, учаскелік дәрігер, педиатр, жалпы практика дәрігері мамандарының қабылдауы, дәрігерді үйге шақыру, жедел жәрдем, емхана мен стационар деңгейіндегі шұғыл көмек, әлеуметтік маңызы бар, жұқпалы ауруларды, онкологиялық ауруларды емдеу осы пакетке кіреді және сақтандырылған мәртебесіне қарамастан барлығына көрсетіледі.

Өз статусыңызды қалай тексеруге болады?

  • Қордың fms.kz ресми сайты арқылы;
  • Телеграмм каналындағы https://t.me/SaqtandyryBot арқылы азаматтардың қай айға бережағы бар, қай айға төлемдерден босатылған немесе жеңілдіктері туралы ақпаратпен танысуға болады;
  • Ұялы телефонға Qoldau 24/7 мобильдік қосымшасын жүктеу арқылы;
  • kz жеке кабинетте «Денсаулық сақтау» бөлімі арқылы;

Өз статусыңызды «Сақтандырылғанға» қалай ауыстыруға болады?

1) Егер сіз келісімшарт негізінде жұмыс жасасаңыз, немесе жалдамалы жұмысшы болсаңыз, онда ай сайын жалақыңыздың 2% жұмыс берушінің жалақы қорынан және табысыңыздың 3% қорға аударылады.

2) Егер жеке кәсіпкер, шаруа қожалығының иесі болсаңыз, ай сайын ең төменгі жалақының 1,4 еселенген мөлшерінің 5%, яғни 4900 теңге қорға аудару қажет.

3) Егер дербес (тәуелсіз) төлеуші болсаңыз, онда ай сайын ең төменгі жалақының 5%, яғни 3500 теңге жарна төлеу қажет.

4) Егер өзін-өзі жұмыспен қамтыған азамат болсаңыз онда Бірыңғай жиынтық төлем (БЖТ) төлеуге болады. БЖТ мөлшері қала тұрғындары үшін
1 айлық есептік көрсеткіш 3450 теңге, ал егер ауылдық елді мекен тұрғыны болсаңыз 0,5 АЕК 1725 теңге жарна аудара аласыз. Ескерту, БЖТ өткен айлар үшін қабылданбайды.

Сақтандырылу үшін не жасау  керек, неше айға дейін жарна төлеу қажет деген сауалға келер болсақ, «Міндетті әлеуметтік медициналық сақтандыру туралы» Заңының
5 бабына сәйкес, сіз жеке кәсіпкер, жалдамалы қызметкер не дербес төлеуші болсаңыз, соңғы 12 айда аударымдар (төлемдер) болуы қажет.

Егер бір немесе бірнеше ай ішінде аударымдар (төлемдер) болмаса, төлем жасалмаған айлар үшін төлеу керек немесе жұмыс берушіңізге барып, бар қарызды өтеуді сұрау керек.

Өткен берешегі бар айлар үшін ең төменгі жалақының 5%, яғни 3500 теңге жарнаны төлеуге мүмкіндік болмаған жағдайда сіз ағымдағы және алдағы үш ай үшін БЖТ төлей аласыз, Сіздің статусыңыз төртінші айдан бастап «сақтандырылған» болып өзгеріп, медициналық  қызметті МӘМС шеңберінде ала аласыз. Яғни, БЖТ төлеушілер үшін өткен 12 айларға берешек болмайды, тек БЖТ төлемді үш ай бұрын (қатарынан) төлеу керек. Мысалы, сіз наурыз, сәуір, мамыр айлары үшін БЖТ төлейсізде тегін медициналық қызметті тек маусым айынан бастап ала аласыз. Ал маусым айынан бастап әр ай сайын БЖТ төлемін тұрақты түрде төлеуді жалғастыра бересіз.

Жарналарды төлеу әдістері қандай?

*Екінші деңгейлі банктер және олардың қосымшалары арқылы

*Kaspi.kz мобильдік қосымшасы арқылы.

*Казпочта АҚ филиалдары арқылы.

*Kassa 24, QIWI терминалдары арқылы жарналарды төлеуге болады.

МӘМС жүйесі бойынша қосымша сұрақтарды қайда қоюға болады?

*Ұялы телефонға Qoldau 24/7 мобильдік қосымшасын жүктеу арқылы;

*Тәулік бойы жұмыс жасайтын 1406 байланыс орталығына соғу арқылы;

*Қордың www.fms.kz ресми сайты арқылы.

*Қордың Атырау облысы бойынша филиалының 87122556084, 87122556098 телефондарына хабарласу арқылы.

ФОТОГАЛЕРЕЯ

Соңғы жаңалықтар

ЖАҚСЫ КІТАП - ЖАН АЗЫҒЫ

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: Адрес электронной почты защищен от спам-ботов. Для просмотра адреса в браузере должен быть включен Javascript.

Әлеуметтік желілеріміз