«Жас сарбаз» сыныптары арасында өткен облыстық біріншілікте аудан намысын Ш.Уәлиханов атындағы орта мектептің 6 «а» орыс сыныбының оқушылары қорғап, мықтылықтарын көрсете білді.

Команда құрамында Ади Мұратов, Санжар Аманжол, Вио летта Абляева, Бакдәулет Марат, Муслим Ғибрат, Мадина Түкен, Фатима Талғат, Каусар Манар бек, Санжар Жылқышиев, Алина Кенжеғалиева, Инкар Амангелдиева бақ сынады. Олар саптық дайындық, «АК 74» қаруын бөлшектеп бұзу және жинау, белтемірге тартылу, шалқалап жатып денені көтеру, жалпы әскери қорғаныс толымы, пневматикалық мылтық ату, оқжатарды уақытқа шашып, жинау, «Жас сарбаз» әскери патриоттық сыныбының бір күндік жоспары туралы бейнебаян дайындау бағамдары бойынша сынға түсті.

Өздерінің қайсар мінездерінің арқасында «Жас сарбаз» әскери патриоттық сыныбының бір күндік жұмысы туралы бейнеба ян дайындау сайысында І орын, пневматикалық мылтық ату сайысынан қыздар арасында Фатима Талғат І орын, АК-74 қаруын бөлшектеп бұзу және жинау сайысынан Әди Мұратов І орын, оқжатарды уақытқа жинау сайы сынан Бақдәулет Марат ІІІ орын, командалық саптық дайындықты орындаудан ІІІ орынды еншіледі.

Нәтижесінде оқушыларымыз бейнеролик бағамы бойынша республикаға жолдама алды.

Осы орайда оларды сайысқа дайындаған сынып жетекшісі Әсем Темірболатова мен жетекшісі Жұбандық Бағыттың еңбектерін айта кеткеніміз жөн.

Н.ЖАДЫРА