Елбасы, партия Төрағасы Н.Ә.Назарбаевтың Қазақстан халқына арнаған Жолдауынан туындайтын міндеттерді жүзеге асыруға «Нұр Отан» партиясының аудандағы ұйымдары да белсене үлестерін қосуда.
Осы бағыттағы жаңашылдық жұмыстарына орай 500-ден 1000-ға дейін мүшесі бар Индер бастауыш ұйымы (төрағаның орынбасары Бақберген Сахипов) облыс бойынша өткен байқауға қатысып, қорытындысында жұмысы үздік танылып, арнайы марапатталған.
Сонымен бірге 100-ге дейінгі мүшесі бар ұйымдар арасынан Индербордағы «Көктем» бастауыш партия ұйымы да (жетекшісі, аудандық мәслихаттың депутаты Орынша Ділмұқашева) зор қуанышқа кенелді.
-«Нұр Отан» партиясы Атырау облыстық есеп беру-сайлау конференциясына облыстан 300-дей делегат қатысса, (ауданнан 28 адам), осы үлкен шара үстінде индерліктерге бұл марапаттары салтанатты жағдайда табыс етіліп, баршамызға зор қуаныш сыйлады,-дейді аудандық ұйым төрағасының бірінші орынбасары Өтепберген Оразғалиев. Ендеше марапаттарыңыз құтты болсын демекпіз.
С.ХАЛЫҚОВ.
