Атырауда аралас жекпе-жектен "Mergen Fighting Championship 3" турнирі аяқталды. Дүбірлі додаға еліміздің мықты жігіттерімен бірге  Қырғызстан, Әзербайжан, Ресей елдерінің сайыпқырандары  өнер көрсетті.
Кештің басты жекпе-жегінде  Қуат Хамитов пен ресейлік     Василий Бабинцевтың және            Дамир Исмағұлов пен жерлесіміз Нұрберген Шәріпов кездесуі болатын.
Аралас  жекпе-жек спорт түрінен әлемдік рейтингте UFC, яғни «Ultimate Fighting Championship» көш бастап тұрған тұжырым. «UFC-ге шығу үшін спортшының жоғары  рейтингісі  және көпке танымал, қалың жанкүйері болуы керек. Осы күнге дейін UFC-де өнер көрсеткен қазақтың саны бес саусаққа да жетпейді. Оның ішінде тұңғыш рет жеңіске жеткен Ресейдің Орынбор өлкесінен шыққан этникалық қазақ  Дамир Исмағұлов қана болатын.
Рас Дамирдің жерлесіміз Нұрбергенмен жекпе-жегі грэпплинг ережесі бойынша өтті. Грэпплинг жекпе-жегінде қарсыласына ауырту әдіс-тәсілдерінің бәрін жасауға рұхсат етіледі. Бірақ аяқ-қолмен  ұруға болмайды. Шиеленісті өткен жекпе-жек барысында жеңімпаз анықталмай, екі мықты да тең тарасты.
Айта кетейік, жерлесіміз Нұрберген Шарипов бұған дейін грэпплинг ережесі бойынша атақты Қуат Хамитовты ұтқан болатын. Ал бұл күні Қуат Хамитов Ресейден келген       Василий Бабинцевті бірінші раундта –ақ  ауырту  әдісімен жеңіске жетті.
    

Саламат Б.