banner_damu

Сарайшыққа саяхат

«Көктем» қазақ орта мектебінің 7 сынып оқушылар жеті хан жерленген «Сарайшық» мемлекеттік тарихи-мәдени музей қорығына саяхат жасады.

Киелі өлкеге саяхат жасаған оқушылар орта ғасырлық шаһарды көріп, оның тарихымен танысты. Бұл мектеп ұжымының – Қазақстан Республикасы Тәуелсіздігінің 30 жылдық мерейтойына арналған «OtanLife» жобасы аясында «МузейFest» жобасын іске асыру мақсатында ұйымдастырылған шарасы.

-Бізді қарсы алған Сарайшық музей қорының қызметкерлері Алтын Орда тұсындағы дүниенің ең сұлу, ғажайып қаланың құпияларымен таныстырды. Әуелі саяхатымыз қасиетті Сарайшық қалашығының орнынан басталып, кейін сол жерде жерленген хандарымыздың, ата-бабалардың рухына құран бағыштаумен жалғасты. Одан әрі археологиялық қазба жұмыстары нәтижесінде ашық аспан астындағы мұражайға айналған Сарайшық қаласының ескі орнында болып, оқушылар қала туралы, оның қазақ халқы үшін алатын тарихи орны жайлы толық мағлұмат алды,- дейді сынып жетекшісі А.Мамаева.

fb_img_1616907617820

Ал оқушылар Сарайшық қолөнершілерінің шеберлігін танытанын тұрмыстық бұйымдар, сан жылдар өтсе де сапасы жоғары күйде сақталған кірпіш, құмыра, қыш құбырлар бөлшектерін көріп, тамсанғандарын жарыса айтып, экскурсиялық саяхат кезіндегі әсерімен бөлісті.

-Мұражайдың кіреберісінде Елбасының Сарайшыққа сапары кезіндегі суреті мен қолтаңбасы қойылыпты. Бұл әрине келген кісіге ерекше әсер береді. Ал мұражай ортасында қаланың шағын макеті, әйел адамдардың әшекей бұйымдары, ескі монеталар, қыш құмыралар да төрден алыпты. Мұндағы әрбір тарихи экспонат бізге өзіндік сыр шертіп тұрғандай әсер қалдырды. Одан әрі бізді мұражай қызметкері киелі жәдігерлермен таныстырып, оның әрқайсысының құндылығы жөнінде терең түсінік берді. Осы тұста бізге осындай көңілді демалыс сыйлаған ұстаздарыма алғымды айтамын,-дейді Ә.Исаұлы.

fb_img_1616907646576

fb_img_1616907623762

Осылайша оқушылар ата-баба ескерткішіне тағзым етіп, сырға толы Сарайшықтың аңыз әңгімелерін тыңдап, естелік суретке түсті.

Диас АЙБАР

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика