Ауданымыздағы өзекті мәселенің бірі - Индербор кентіндегі полигонның қазіргі жәй-күйі.
Бүгінде «Шығыс» мөлтек ауданы аумағында орналасқан 16 га болып бекітілген полигонда қоқыс қалдықтары 70 га көлеміндегі аумақта шашылып жатыр.
Аудан әкімдігінің баспасөз қызметінің хабарлауынша, қазіргі таңда мердігер мекеменің 3 камаз, 1 тиегіш, 1 бульдозер арнайы техникалары арқылы алаңдағы қоқыстарды жинау және жою жұмыстары жүргізілуде.
Аталған жұмыстар ағымдағы жылдың қыркүйек айына дейін жалғасатын болады.
