Бүгін Индер аудандық мәдениет үйінде халқымыздың ұлы перзенті Абай Құнанбайұлының 175 жылдық мерейтойына арналған «Өлмейтұғын артында сөз қалдырған» атты мерекелік шара өтті.
Шараға барлық санитарлық талаптарды сақтай отырып, аудан тұрғындары шақырылды.
Шара басы Абай атамыздың Құнанбай шаңырағында дүниеге келгендігі, Құнанбай қажының азан шақырып есімін «Ибраһим» қойғандығы туралы көрініспен басталды.
Халқы ғұлама, ойшыл, ақын, ағартушы, ұлттың жаңа әдебиетінің негізін қалаушы, аудармашы, композитор деп таныған хакім Абайдың әндері орындалып, өлеңдері оқылды. «Көзімнің қарасы», «Айттым сәлем, Қаламқас» сынды гитарамен сүйемелденген әндері көрерменнің ықыласына бөленді. Еркін Әубәкіров домбырамен Абайдың «Жаз» өлеңін керемет жеткізе білді. «Бойтұмар» би ансамблінің жас жеткіншектері де өз өнерлерімен залдағы көрерменді тәнті етті. Р.Ғабдиев атындағы халықтық ұлт-аспаптар оркестрі Абай әндерінен попури орындап, күйлерін көрермендерге тарту етті.
Шараға аудан әкімі Мейірім Қалауи, аудан әкімінің орынбасары Дарын Шамұратов, аудандық мәслихаттың хатшысы Бағдат Сапаров қатысты.
