Бүгін аудандық мәдениет үйінде Атырау облысы әкімінің орынбасары Қ.Нұрлыбаевтың және аудан әкімі С.Өтеғұловтың, облыстық басқарма басшыларының қатысуымен аудан шаруагерлерімен кездесу өтті.
Жиында ауыл шаруашылығы құрылымдарын субсидиялау бағытында тиісті қағидалар түсіндіріліп, шалғайда орналасқан шаруашылықтарға су жеткізу, аграрлық корпорациялар арқылы жеңілдетілген несие алу жүйесі бағытында бірқатар мәселелер талқыланды.
Сондай-ақ, аудандағы шаруа қожалықтарының иелері мен шаруагерлер тарапынан осы саладағы түйіткілді мәселелерін ортаға салды.
Айта кетейік, қазіргі таңда Индер ауданы бойынша 315 қожалық болса, оның ішінде 49 егінмен, 270 мал шаруашылығымен айналысып отыр.
Индер аудан әкімдігі
