2022 жылы 16 маусымда Мемлекет басшысы Қасым-Жомарт Тоқаев Ұлттық құрылтайда Республика күніне ұлттық мереке мәртебесін қайтаруды ұсынды.
Соған сәйкес, аптаның дүйсенбісінде аудандық орталық кітапхана және №5 Мақат кітапханасының бірлесе ұйымдастыруымен Республика күніне орай "Қыран елім-Қазақстаным" атты патриоттық кеш өткізілді.
Жас ұрпақты отанын сүюге, халқының тілін, мәдениетін, салт-дәстүрін сақтауға, тарихын қастерлеуге бағытталған шарада, оқырмандар ұлттық мереке саналатын Республика күнінің тарихы турасында кеңінен ақпарат алып, пікір алмасты.
Шара соңында қатысушылар патриоттық шабыт беретін ақын – жазушыларымыздың өлеңдерін кезектесе оқып, әсем әндер шырқады.
Шараға М. Баймұханов атындағы орта мектептің оқушылары мен тәрбие ісі мамандары және кітапханашылар қатысты.
Ботакөз Асхатқызы
