Құрылтай - ата-бабамыздан келе жатқан аса маңызды шешім қабылдайтын ұлық жиын. Ата-баба аманатын арқалап, атаның жолын жалғатып, көне дәстүрді жаңғыртқан Ұлттық құрылтайдың IV отырысы 2025 жылы 14 наурыз күні бастау алған болатын. Ұлттық құрылтайда көтерілген мәселелердің бірі мәдениетке қатысты талқыланды.
Еліміздің батыс өңірінде кеңінен тараған Амал мерекесімен бастау алатын Наурыз мерекесі ерекше аталып өтілді. Елбасының бекіткен Наурызнаманың 10 күндігінің әр күні өзінің маңыздылығымен орын алады. Осы үрдісті әрімен қарай дамытып, әр өңірдің қазақилыққа бет бұрғанын қалар едім. Ұлттық киім, ұлттық дәстүр, ұлттық тіл еліміздің бет-бейнесі. Сол себептен өз мәдениетімізді жетік меңгеріп, ана тілімізді, ұлттық киім, ұлттық өнер, ұлттық дәстүрлерімізді кейінгі ұрпаққа дәріптеу біздің басты міндетіміз деп санаймын. Осы құрылтайда қозғалған әр мәселе ел игілігіне оң шешімін табады деген ойдамын.
Т.УМАРОВ,
"Көктоғай-Мәдениет" МКҚК көркемдік жетекшісі,
"Jas Niet" ҚҚ төрағасы
#Ұлттық_IV_құрылтай_2025
