Индербор кентінде 11 көппәтерлі тұрғын үйге жөндеу жұмыстары жүргізілуде.

Күрделі жөндеудің іс-шараларын жүргізу мақсатындағы конкурстың нәтижесінде «БатысСтройСервис» ЖШС-і, «ҚұрылысТаймКонтракт» ЖШС-і, «Dizain-D.A.» ЖШС-і мердігер болып танылды.

Айта кететін жайт, үйдің жертөлесін, кіреберісін, ішкі желілерін жөндеу жұмыстары тұрғындардың тарапынан жүргізілуі тиіс.

Осыған орай, кент және аудандық ТҮКШ бөлімінің мамандары әр көпқабатты тұрғын үйлерді аралап, «мүлік иелерінің бірлестігін» құру жөнінде түсіндірме жұмыстарын жүргізуде. Сондықтан тұрғындарды 2-17-68, 8775 848 17 95 нөмірлеріне хабарласу арқылы бірлестік құруға шақырамыз!

Аудандық тұрғын-үй коммуналдық шаруашылығы, жолаушылар көлігі, автомобильдер жолдары және тұрғын үй инспекциясы бөлімінің басшысы Б.Е.Иманғазиевтің айтуынша, қазіргі таңда Қонаев 17, 19, 22 және Майдыров 1, 1а үйлерінің шатырының каркастары құрулы тұр. Қонаев 19 үйдің 1 қабатының балкондары толықтай жөнделіп, кіреберіс терезелері жаңартылды.

Сонымен қатар, Бейбарыс 1,2,3,4,6,7 үйлердің де сыртқы әрлеу жұмыстарын ағымдағы жылы жүргізу жоспарлануда. Қазіргі уақытта құжаттамалары сараптамада қаралып жатыр.

Индер ауданы әкімдігінің баспасөз қызметі