Кенттің Шығыс мөлтек ауданында орналасқан «Айналайын» балабақшасының тұсында алкогольдік ішімдік ішіп, масаң күйде көлік басқарған жүргізуші жауапкершілікке тартылды.
2020 жылғы 20 қаңтарда түнгі 01 сағат 20 минут шамасында «ВАЗ 21113» маркалы, мемлекеттік тіркеу нөмірі белгісі Х489PA63 көлік құралын жүргізген Г.К есімді азамат ұсталған. Медициналық куәландыру қорытындысына сай, ол «жеңіл» дәрежедегі алкоголь ішімдігін пайдаланған болып шықты.
- Жүргізуші қателігін толықтай мойындап, өзіне қатысты толтырылған хаттамамен келісетінін, құқық бұзушылық жасағанын сезінетінін және енді қайталанбайтынын айтып өз түсінігін берді, - деген соттың кеңсе меңгерушісі Г.Егізбаева алайда заң бұзғандықтан оның жауапсыз қалмайтындығын жеткізді.
Сондай-ақ жүргізуші әкімшілік құқық бұзушылық туралы Қазақстан Республикасының Кодексінің 608-бабының 1-бөлігімен кінәлі деп танылып, 15 (он бес) тәулікке әкімшілік қамаққа алынып және жеті жыл мерзімге көлік құралын басқару құқығынан айыру жазасына қаулы шықты.
Міне, заң күшейтіліп, жауапкершілік жоғарылағанымен жүргізіушілер айылын жияр емес.
А.БОКИРОВА.
Индер ауданы
Сурет дереккөзден
