Аудандық мәдениет үйінде жыл қорытындысы бойынша әр салада халыққа сапалы қызмет көрсетуде абырой биігінен көрінген қызметкерлерге «Жыл үздігі - 2024» номинациясы табысталды.
Жиында аудан әкімі Серік Нсанбаев, аудандық мәслихат төрағасы Абзал Рамазанов және қоғамдық кеңес төрағасы Әлифолла Балахметов жыл бойы атқарған жұмыстарды саралай келе, жыл қорытындысымен үздік атанған сала өкілдерін 18 номинация бойынша марапаттады.
Сонымен қатар, "Индер ауданының Құрметті азаматы" атағы спорт саласының ардагері, аудан боксының негізін қалаушы Ермұханов Алтыбай Намазұлына табысталды.
Атап айтсақ,
🔶«Білім саласының үздігі» – Қ.Абаханов атындағы орта мектебінің физика пәнінің мұғалімі Төлеуова Маржан Әлдіғұлқызы;
🔶«Үздік тәрбиеші» – «Балдаурен» бөбекжай бақшасының тәрбиешісі Тлегенова Гүлбаршын Жақсығалиқызы;
🔶«Кәсіптік білім беру саласының үздігі» – Индер көп бейінді ауыл шаруашылығы колледжінің арнаулы пән оқытушысы Қарымсақова Әнел Бейімбетқызы;
🔶«Үздік медицина қызметкері» – Индер аудандық ауруханасының неонатолог-узи дәрігері Габсаламова Эльмира Қуанғалиқызы;
🔶«Үздік мемлекеттік қызметші» – аудандық ішкі саясат бөлімінің басшысы Дюсубалиева Анаргүл Бақтығалиқызы;
🔶«Ауыл шаруашылығы саласының үздігі» – «Байгол» шаруа қожалығының басшысы Шайдолла Ербол Сағиденұлы;
🔶«Төтенше жағдайлар саласының үздігі» – Индер аудандық №5 өрт сөндіру бөлімінің газ түтіннен қорғау қызметінің аға шебері, азаматтық қорғау аға сержанты Қайыпов Ұлан Сапарғалиұлы;
🔶«Үздік мәдениет қызметкері» – «Жарсуат-Мәдениет» МКҚК режиссері Бейбітов Айбек Бейбітұлы;
🔶«Үздік коммуналдық сала қызметкері» – «ИндерСу» ШЖҚ КМК Көктоғай ауылдық округінің су тазарту қондырғысының су айдау, тазалау және жөндеу бөлімінің басшысы Сапуанов Болат Қадимұлы;
🔶«Үздік полиция қызметкері» – Индер аудандық Полиция бөлімі жергілікті полиция бөлімшесінің учаскелік полиция инспекторы Орын Исатай Жасталапұлы;
🔶«Қаржы саласының үздігі» – Аудандық қазынашылық басқармасы басшысының орынбасары Абдрахманова Алена Азмұханқызы;
🔶«Үздік байланыс қызметкері» – «Қазақтелеком» АҚ Индер желілік техникалық учаскесінің электромонтері Жақсыбаев Айбол Жұмажанұлы;
🔶«Үздік кәсіпкер» – «Мендешов» ЖК басшысы Меңдешов Ерлан Серікқалиұлы;
🔶«Үздік өнеркәсіп саласының қызметкері» – «ИндерГипс» ЖШС жабдықтарды жөндеу және техникалық қызмет көрсету аймағының жөндеушісі Азербаев Бахыт Махсутұлы;
🔶«Үздік белсенді ардагер» – Зейнеткер, білім және мұнай саласының ардагері Сапағұл Сәлім Бекқайырұлы;
🔶«Энергетика саласының үздігі» – «Атырау-Жарық» АҚ Индер аудандық электр желілері мекемесінің электромонтері Темірболатов Жәнібек Аронұлы;
🔶«Үздік тазалықшы» – «АгроСтройИндер» ЖШС тазалықшысы Қайырова Светлана Әбиқызы.
🔶«Үздік ауыл» – Елтай ауылдық округі
Аудан әкімінің баспасөз қызметі
