Аудан орталығы Индербор кентінде мұсылмандардың қасиетті мейрамы Құрбан айт кең көлемде тойланды. Орталық саябақта үш киіз үй тігіліп, ауыл тұрғындарына дастархан жайылды.

Алдымен «Әйіп қажы» мешітінің бас имамы Ералы Қамзағалиев құран бағыштады. Одан соң аудан әкімі Дарын Шамұратов аудан халқын мерекемен құттықтап, игі тілегін айтты.

Шара аудан өнерпаздарының мерекелік концертімен жалғасын тапты.