Индербор кентіндегі Ш.Уәлиханов көшесінде орналасқан 1986 жылы пайдалануға берілген ескі емханаға күрделі жөндеу жұмыстары басталды.
Аумағы 1478,9 шаршы метр болатын ғимараттың мердігері – «SCS инжиниринг» жшс-і. Қазіргі уақытта нысанның 1,2 қабатында бұзу (демонтаж) жұмыстары, 4 қабатында сылақ-сырлау жұмыстары жүргізілуде.
Айта кетейік, ауданда 1493 мүмкіндігі шектеулі жан болса, олардың 182-сі – бір жастан 16 жасқа дейінгі жеткіншектер. Сондықтан алдағы уақытта оңалту орталығы ерекше күтімді қажет ететін жандар үшін психологиялық және педагогикалық көмек көрсететін болады.
Индербор кентінің әкімі А.С.Аймұратовтың айтуынша, ғимараттың үш қабаты толықтай оңалту орталығына арналады. Мұнда мүмкіндігі шектеулі жандарды оңалту үшін барлық жағдай жасалып, тәжірибелі мамандар қызмет көрсетеді.
Индер ауданы әкімдігінің баспасөз қызметі
