Еуропадағы қауіпсіздік және ынтымақтастық ұйымы жанындағы демократиялық институттар және адам құқықтары бюросының миссиясы Қазақстанға келді.

Мақсат Президент сайлауына байқаушы ретінде қатысу. Делегация құрамында 300 астам байқаушы бар. Бүгін Орталық сайлау комиссиясының төрағасы Нұрлан Әбдіров миссия басшысы Уршула Гацекпен кездесті.

Жиында сайлау науқанындағы негізгі кезеңдердің ерекшелігі, ұзақтығы және Президенттікке кандидаттарды ұсыну қорытындысы жөнінде ақпар берілді. Сонымен бірге орталық сайлау комиссиясының қызметімен танысуға миссия мүшелерінің толық мүмкіндігі бар екенін жеткізді.