БОЛГАРИЯНЫ БАҒЫНДЫРҒАН БҮЛДІРШІН

Талантымен талайды тамсандырып, өнерімен баршаны тәнті еткен «Айналайын» балабақшасының кішкентай бүлдіршіні Ақжүніс Асқар Болгария Республикасының Варна қаласында өткен «Золотая мечта» байқауына қатысып, бірінші орынды еншіледі.

Ақжүніс Есетқызы «Домбыраның күмбірі» мен «Милая мама» әндерін орындап, шетелдік сарапшыларды таңғалдырды. Айта кетейік, бұл байқауда кейіпкеріміз өзімен шамалас қарсыласы болмасада, ортаңғы топта өнер көрсетіп бірінші орынға орнықты. Таудай талабы мен таланты ұштасқан бүлдіршіннің өзге елде Қазақстанның, соның ішінде облыс пен аудан атын асқақтатуы үлкен мақтаныш. Қос әжесі мен өнерге баулып жүрген ұстазы Бейбіт Өтеповпен бірге шетел асқан Ақжүніс алдағы аптаның алғашқы күні елге оралады.

-Бұған дейін Алматыдан жүлделі оралып, Болгария Республикасына жолдама алған қуанышымызды «Дендер» газеті арқылы елмен бөліскен едік ғой. Содан міне көп ұзамай Болгарияға жолымыз түсті. Стамбулдан басталған саяхатымыз кейін Варна қаласында жалғасты. Бұл елдің таңғажайып табиғаты мен көз тартарлық дүниелері бізге жақсы әсер қалдырды. Сонымен, қызымыз 29 маусым күні галаконцертке қатысып, бір қазақша, бір орысша өлеңді орындап тыңдармандар көңілін тербетті. Содан бірер минут өткен соң сарапшылар келіп, өзінің жүріс-тұрысы мен әнге деген ынтасының жоғары екендігін байқап, Ақжүніске бірінші орынды берген сәтте, көзімізден қуаныштың жасы ағыла кетті. Тіпті, қасымыздағы сол қалада тұратын қарағандылық қазақтар концертке қатысып, шашбауымызды көтерді. Әрине, Қазақстанның Туын өзге елде көкке көтеру – біз үшін үлкен жеңіс,-дейді қос әжесі Нұржамал Сағынтайқызы мен Сағима Кенжеғалиқызы.

Жалпы, бұл байқауда Қазақстан бойынша Арыс қаласының бишілері мен екі қобызшы қатысса, Ақжүніс Атырау қаласынан бір өзі екен. Дарынымен ерекшеленіп, өзге елде ұлттық мәртебемізді көтеріп қайтқан кішкентай Ақжүністің жетістіктері алдымен Алланың сыйы болса, екіншіден, бұлақ көрсе көзін ашып, таланттарды шыңдауда жан аямай тер төгіп жүрген ұстазы Бейбіт Ғилманұлының еңбегі. Әлемді аузына қаратқан бүлдіршінге әлі талай биіктерден көріне бер демекпіз.

Диас АЙБАР

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика