Аудандық «Jas Otan» Жастар қанатының ұйымдастыруымен «Бақытты отбасы» партиялық жобасы аясында «Балаларға арналған қауіпсіз және жайлы инфрақұрылым» акциясы өткізілді.
Акцияның басты міндеті – балаларға қауіпсіз орта қалыптастыру. Акцияда ашық люктердің болуы, аулаларды, алаңдарды жарықтандыру, қозғалыс қауіпсіздігі бойынша рейд жүргізілді.
Акцияға Индер аудандық мәслихат депутаты, әлеуметтік мәселелер жөніндегі кеңестің басшысы аналар кеңесінің мүшесі Сабырғалиева Ақжібек Керімбайқызы, «Jas Otan» Жастар Қанаты мүшесі, Жастар ресурстық орталығының маманы Бертлеуов Темірлан Нұрланұлы және Индер аудандық төтенше жағдайлар бөлімінің аға инспекторы, азаматтық қорғау капитаны Армат Ишанғалиев қатысып, аудан орталығында орналасқан балаларға арналған ойын алаңдарына зерделеу жұмыстарын жүргізіп, бірқатар ұсыныстарын білдірді.
А. Ғарифолла
