Күні кеше Алматы қаласында «Үздік авторлық бағдарлама» байқауының жеңімпаздары анықталды.
Елбасының «Болашаққа бағдар: рухани жаңғыру» мақаласы аясындағы шараға еліміздің барлық білім беру мекемелерінің 300-ге жуық ұстазы қатысты. Педагогикалық мамандықтың беделін арттыру, сондай-ақ мұғалімдердің инновациялық-педагогикалық қызметін дамыту, кәсіби шеберліктерінің артуына ықпал ету мақсатындағы байқауда аудандық оқушылар шығармашылығы орталығы директорының оқу-тәрбиеісі жөніндегі орынбасары Асылбек Қоңыров бірінші орынды еншіледі.
Оған ҚР Білім және ғылым министрлігінің вице-министрі Ш.Каринованың қолы қойылған Диплом табысталды. Ұстаз байқау талаптары мен құрылымына сай «Әуе үлгілерін дайындау бағытындағы «Сұңқар» үйірмесінің бағдарламасы» жобасын сәтті қорғап, әділ-қазылардың оң бағасын алыпты.
-Еңбегімді бағалағап, өзімнің авторлық бағдарламамды республикалық деңгейде көрсеткеніме өте қуаныштымын. Әрине, көп дайындық болды, соның нәтижесіне міне, алдыңғы орынды еншіледік,-дейді жүлдегер.
А.ДИАС
