Өткен сенбіде аудан орталығындағы жаңа мәдениет үйі алдында ауыл шаруашылығы тауар өндірушілерінің жәрмеңкесі өтті.

Ауыл шаруашылығы күніне орай ұйымдастырылып отырған жәрмеңкеге «Асыл Агро», «Индер Агро», «Весна», «Қостан», «Темірғалиев С», «Айдын» «Қаратоқай», «Тоқбай» шаруа қожалықтары қатысты.

Сауда алаңында шаруалардың ұсынған ет, көкөніс өнімдерін саудалаған тұтынушылардың қарасы да аз болмады. Әсіресе, «Асыл Агро» ЖШС картобын жүк көлігімен әкеліп, келісін 100 теңгеден, пиязын 60 теңгеден саудалады.

-Сатылымдағы өнімдерінің қай-қайсысы да базар бағасынан төмен сатылды. Ауыл шаруашылығы дақылдарымен бірге 3 сиыр , оншақты қой сатылып, бәрі де түгел өтіп кетті. Биыл карантинге байланысты жәрмеңкелерде толық өткізе алмап едік. Ауа райы қолайлы болса алда әлі де жәрмеңке ұйымдастыру жоспарымызда бар, - деді аудандық ауыл шаруашылығы бөлімінің басшысы Сәулет Есетов.

Тұрғындар да азық-түлік тауарларының бағасын тұрақтандыру бағытында ұйымдастырылатын жәрмеңкелердің алда да тұрақты өткізіліп тұрғанын қалайды.

С. Базарбаев