Кенттегі Махамбет көшесінің тұрғыны Қыстаубай Орынбасарұлы газ саласының шебері болып ұзақ жыл абыройлы еңбек еткен.Қазір зейнеткерлік демалыста. Бүгінгі саяси науқанда алдымен дауыс беруді ұйғарыпты.

- Әрдайым да саяси науқаннан тыс қалған емеспін. Бүгінгі еліміздегі елеулі оқиғаға да бей-жай қарамай алғашқылардың бірі болып белсенді қатысуды жөн көрдім. Дауыс беру Қазақ елінің әрбір азаматының басты парызы болуы тиіс. Бұл айтулы күн қазіргі қоғамға ғана емес, келешек ұрпақтың тағдырына тікелей әсер ететін маңызды сәт, - дейді ол.
Учаскелік сайлау комиссиясының төрағасы Бағытжан Құнас алғаш дауыс берушіге естелік сый табыс етті.

С. САНСЫЗБАЙҰЛЫ