Ауа райының қолайсыздығына қарамастан аудан тұрғындары белсенділік танытуда. Солардың бірі кент тұрғыны, еңбек ардагері Жолай Өмірбаев ағамыз жұбайы Шолпан апамызбен келіп дауыс берді. Сексеннің сеңгірінен асқан ағамыз 112-ші сайлау учаскесі бойынша ең қарт таңдаушы екен. Кеңес өкіметі кезінде аудандық атқару комитеті, өзге де қоғамдық жұмыстарға белсене араласқан қартты халық жақсы сыйлайды. Тәуелсіздік алған жылдары да осы сайлау науқанына атсалысып, ел бірлігі үшін қызмет етті. Бүгінде апай екеуі үлгілі әулет иелері. Құрметті еңбек демалысында. -Еліміз аман, заманымыз тыныш, әрқашан бейбітшілік болсын. Біз өз таңдауымызды жасадық,- дейді ардагер ағамыз.