Жарсуат ауылдық округіне қарасты Құрылыс ауылында барлығы 700-ге тарта халық тұрады. Оның 398-і сайлаушы ретінде тіркелген.

Кезінде ауыл халқы асарлатып салған мәдениет үйінде №117 сайлау  учаскесі орналасқан. Сағат 7.00-де басталған әкім сайлауында алдымен ауылдың ақсақалы Сапар Құрмашев дауыс берді. Сондай-ақ Нұрен Құрманғалиев, Жарқын Шомаев, Өсиет Бақтиярова,  Тамара Тәженова,  Зәуре Нығыметова,  Баянды Рахимов сынды тағы басқа да ауыл азаматтары алғашқылардың легінде өз таңдауларын жасады.

-Сағат 11-ге дейін сайлаушылардың 25,8% дауыс берді. Учаскеге қарасты Кетебай,  Тасқұдық,  Орлыой,  Қуат ауылдарындағы барлығы 32 сайлаушының дауыс беруіне арнайы жәшігімен сайлау комиссиясының мүшелерін жөнелттік. 8 сайлаушы үйден дауыс беруге ұсыныс жасады,-дейді №117  сайлау учаскесінің төрағасы Нәсіп Ахмедьярова.

С. Сансызбайұлы.