Ауданда су бойында тыйым салынған 10 қауіпті аймақ анықталды

Атырау облысы Төтенше жағдайлар департаментінің мәлімдеуінше Атырау облысындағы су қоймаларында 70 қауіпті аймақ бар, деп хабарлайды Атырау облысының коммуникациялар қызметі.

- Атырау облысы аумағында мониторинг жұмыстарын жүргізу барысында, су бойында шомылуға тыйым салынатын қауіпті аймақтар анықталды.

Атап айтсақ Атырау қаласында – 17, Индер ауданында – 10, Махамбет ауданында – 19, Құрманғазы ауданында – 2, Жылыойда – 7, Қызылқоғада – 15 орын анықталды. Осы мәселеге байланысты жергілікті әкімдіктер тарапынан тиісті жұмыстар атқарылуда.

Атырау қаласы аумағында және облыс аудандарында полиция қызметкерлері және жергілікті әкімдіктер тарапынан, суға шомылу кезіндегі қауіпсіздік ережелерін қатаң сақтау бойынша көпшілік-насихат жұмыстары күнделікті жүргізіліп жатыр, – деді Атырау облысы Төтенше жағдайлар департаменті бастығының орынбасары Асқат Ержанов.

Оның айтуынша, ақпараттандыру мен алдын алуды күшейту мақсатында, аталмыш жұмыстарға өңірдегі Ұлттық ұлан әскерлері, 4 волонтерлік ұйым жұмылдырылған.

- Қазір судағы қауіпсіздікті сақтау бойынша ұйымдастырылатын күнделікті рейд шараларына 73 адам тартылып отыр. Сонымен қатар, Атырау қаласы мен Жылыой аудандарында судағы құтқару стансасы тәулік бойына кезекшілік атқарса, осындай станса 1 маусымнан бастап Құрманғазы ауданында іске қосылады, – деді Асқат Ержанов.

ФОТОГАЛЕРЕЯ

Соңғы жаңалықтар

ЖАҚСЫ КІТАП - ЖАН АЗЫҒЫ

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: Адрес электронной почты защищен от спам-ботов. Для просмотра адреса в браузере должен быть включен Javascript.

Әлеуметтік желілеріміз