Индер ауданында халықтың сұранысына орай сандық телеарна қосылды.
Ол бұрын ауданда бойынша көрсетіліп тұрғанымен кейбір ақаулықтарға байланысты уақытша ажыратылған болатын. Бірақ 6 сәуірден бастап оқушылар қашықтықтан оқытуға байланысты «Балапан», «Еларна» секілді арналардан балалары сабақ қарау үшін қосуды тұрғындар аудан әкімшілігіне ұсыныс жасаған.
- Бізге кеше таңертеннен арналарды қосу туралы бұйрық келді. Алайда ол әлі де тестілік-сынама түрде. Толық қосылған кезде халықты ресми ақпарат көздері арқылы хабардар ететін боламыз. Сондай-ақ көрсетіліп отырған арналарға ешқандай ақы талап етілмейді, - дейді Индер телерадио хабар тарату станциясынын басшысы Самат Қабдолов.
Айта кетейік, бұл сандық телеарна интернет желісіне қосыла алмай жүрген көптеген ата-аналарға үлкен көмек болғаны сөзсіз.
"Дендер"-Ақпарат
