Аудан әкімі Серік Нсанбаев қараша айында Астана қаласында өткен "IBSA Judo Astana Grand Prix" әлемдік турнирінің алтын жүлдесіне ие болған аудан мақтанышы, парадзюдошысы Ерлан Шынболатұлы Өтеповті қабылдады.
Аудан басшысы татами шеберлерінің тартысты бәсекесінде ел намысын қорғаған парадзюдошыға аудан тұрғындарының атынан ризашылығын білдіріп, қаржылай сертификат табыс етті.
Өз кезегінде, Ерлан Шынболатұлы арнайы қабылдап, құрмет көрсеткен аудан әкіміне алғыс білдіріп, алдағы додаларда жоғары жетістіктерге жету жолында қажырлы еңбек ететінін жеткізді.
Айта кетейік, Астана қаласында өткен парадзюдодан "IBSA Judo Astana Grand Prix" турнирінде жерлесіміз, парадзюдодан халықаралық дәрежедегі спорт шебері, Азия және Океания чемпионатының жеңімпазы Ерлан Өтепов қатынасып, 95+ келі салмақта белдескен болатын.
Аудан әкімінің баспасөз қызметі
