Ауған соғысы ардагерлерімен кездесті

Келесі жылы кеңес әскерлерінің Ауғанстан жерінен толықтай шыққанына 30 жыл толады.

Осыған орай, бүгін ауданға жұмыс бабымен «Атырау облыстық ауған соғысы ардагерлері Одағы» қоғамдық бірлестігінің бастамасымен интернационалист жауынгерлері келіп, әуелі аудандық көп бейінді ауыл шаруашылық колледжінде студенттермен кездесті. Кеңес Одағы тұсындағы тарихтың ең қайғылы беттерінің бірі – Ауғанстан соғысы. Әрине, он жылға жуық бөтен елдің мүддесін қорғаған Ауғанстандағы шектеулі контингент әскерлерінің құрамында Қазақ жауынгерінің интернационалдық міндет атқарғаны тарихтан белгілі.

Алдымен «Атырау облыстық Ауған соғысы ардагерлер Одағы» қоғамдық бірлестігінің төрағасы Ғабиден Қайыржанов жас ұрпақты патриоттық бағытқа тәрбиелеу, оларға Ауған соғысы туралы кең мағлұмат беріп маңызын ашық түсіндіру бүгінгі жұмыстың мақсаты екендігін айтып, студенттердің сұрақтарына жауап берді. Одан әрі топ мүшелері аудан әкімі Серік Арыстанның қабылдауында болды. Жастарға үлкен ой саларлық шараның соңы аудандық дене шынықтыру және спорт кешенінде волейболдан өткен жолдастық кездесумен жалғасты.

Толығырақ газетіміздің 21 желтоқсандағы санынан оқи аласыздар.

Соңғы жаңалықтар

COVID 19

covid

Фотогалерея

Күнтізбе

Бейнебаян

Aqprint

Байланыс номерi :     +7 701 666 27 49     +7(7122) 45-85-21