«Қазақстан» телерадиокорпорациясының Басқарма төрайымы Ләззат Танысбайдың шешімімен журналист, Корпорацияның ішкі кадрлық резервінің мүшесі Гүлвира Бекқұлиева аймақтық «Atyraý» телеарнасының директоры қызметіне тағайындалды.

Гүлвира Бекқұлиева 1981 жылы дүниеге келген. Л.Н. Гумилев атындағы Еуразия ұлттық университетінің журналистика факультетінің түлегі. Телевизия саласында 19 жылдан бері қызмет етіп келеді. Еңбек жолын 2004 жылы редактор болып бастаған. «Қазақстан» телерадиокорпорациясында 2016 жылдан бері еңбек етіп келеді. Жаңалықтар бөлімінде тілші, редактор қызметтерін атқарды. «Qazaqstan» телеарнасының эфиріндегі қоғамдық-саяси жобалардың продюсері әрі авторы.
Корпорацияда қызмет ете жүріп, Ұлыбританияның әлемдегі ең ірі «BBC» теле және радиохабартарату бірлестігінен тағылымдамадан өтті.