banner_damu

Атырауда "әжетханаға байланған мүгедек балалар туралы" видеоға түсінік берілді

Атырау облысының жұмыспен қамтуды үйлестіру және әлеуметтік бағдарламалар басқармасы әлеуметтік желіде тарап жатқан видеоға түсініктеме берді, деп хабарлайды Атырау облысының Өңірлік коммуникациялар қызметі.

Аталған басқарма басшысының орынбасары Альфия Төлеғариева бұл видеоны биылғы жылдың 8 сәуірінде шаруашылық бикесі Ұлбике Бисекенованың түсіргенін айтты.

- Оқиға бойынша аталған басқарма басшылығы Атырау облысының №3 арнаулы әлеуметтік қызмет көрсету орталығының қызметкерлерімен ұжымдық жиын өткізіп, түсінік жұмыстарын жүргізген. Тиісті бақылау жүргізбеген аталған мекеме директорына "қатаң сөгіс" жарияланып, тәртіптік жаза қолданылды, - деп атап өтті басқарма басшысы орынбасары Альфия Төлеғариева.

Осы оқиғаға орай, облыстық прокуратура маусым айында жоғарыда аталған орталықтағы балалардың құқықтарын қорғау заңдылықтары қалай сақталып жатқандығын кешенді түрде тексерді. Облыс әкімінің бірінші орынбасары мен ҮЕҰ өкілдері орталыққа барып, ондағы қызмет көрсету барысымен танысты, ұжыммен түсіндіру жұмыстарын жүргізді.

Сондай ақ, облыс әкімі орынбасары мен Кәмелетке толмаған балалар істері жөніндегі  комиссия құрамындағы прокуратура, депутаттар, БАҚ, мемлекеттік органдар өкілдерінің қатысуымен  көшпелі отырыс өтті. Комиссия мүшелері орталықты аралап, балалардың жағдайымен, ауқаттану жайымен жіті танысты.

Сонымен қатар, Альфия Төлеғариеваның айтуынша, орталықта мүлік ұрлығы орын алып, оған Ұлбике Бисекенованың қатысы бар екені анықталған.

- Қолданыстағы заңнамаға сәйкес, Ұлбике Бисекенова істің мән-жайы анықталғанға дейін қызметтен уақытша шеттетілді. Қазіргі уақытта ол орталықтың қызметкері болып табылмайды. Сондай-ақ, орталық ұжымы оған қатысты облыс прокурорының атына ұжымдық арыз жазды. Арызда оның қызметтік этиканы сақтамауы, ұрлыққа барғаны, жала жабу және басқа да заңбұзушылықтар туралы айтылған. Бүгінде Атырау қалалық полиция басқармасы ол таратқан бейнежазбаға қатысты тексеру жұмыстарын жүргізуде, - дейді Альфия Төлеғариева.

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

Сұрақ Жауап

Вакцинаға көзқарасыңыз қалай?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика