Атырау облысында браконьерлерден 770 келіден астам бекіре тәркіленді

Ашық көздерден алынған фото

 

АТЫРАУ. ҚазАқпарат – Жайық-Каспий бассейнінің су айдындарында «Бекіре – 2023» кең ауқымды акциясы басталғаннан бері браконьерлерден 7,5 тоннадан астам балық тәркіленді. Оның ішінде 770,25 келі бекіре, 29,5 келі қара уылдырық бар, деп хабарлайды ҚазАпарат тілшісі.

Балық шарушалығы комитеті баспасөз қызметінің мәліметінше, аталған акция 1 сәуірде басталған. Содан бері Жайық-Каспий облысаралық бассейндік балық шаруашылығы инспекциясының инспекторлары Шекара қызметінің және құқық, табиғат қорғау органдары қызметкерлерімен бірге заңсыз балық аулауға қатысты 754 деректі анықтады. Құқық бұзған 518 адам әкімшілік жауапқа тартылды.

«Браконьерлікке, сирек кездесетін және жойылып кету қаупі төнген балық түрлерін заңсыз аулауға байланысты 28 қылмыстық іс қозғалды. Заң бұзушыларға 11,1 млн теңгеге айыппұл салынды. Заңсыз айналымнан 7 тонна 534 келі балық, оның ішінде 770,25 келі бекіре тұқымдас балық түрлері, 29,5 келі қара уылдырық алынды. Браконьерлерден 257 балық аулау құралы, 62 су көлігі мен 12 автомашина тәркіленді. Балық ресурстарына 400 млн теңгеден астам залал келтірілді», - деп хабарлады комитеттің баспасөз қызметінен.

Жайық өзенінің арнасы мен Каспий теңізінің акваториясындағы су айдындарынан жалпы ұзындығы 60 шақырымнан асатын 663 заңсыз балық аулау құралы табылған.

«Бекіре – 2023» акциясы 31 мамырға дейін жалғасады.

Еске сала кетелік, бұған дейін браконьерлер Атырау облысында 64 млн теңгенің балығын қамыс арасына жасырып кеткенін жазған едік.

ФОТОГАЛЕРЕЯ

Соңғы жаңалықтар

ЖАҚСЫ КІТАП - ЖАН АЗЫҒЫ

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: Адрес электронной почты защищен от спам-ботов. Для просмотра адреса в браузере должен быть включен Javascript.

Әлеуметтік желілеріміз