Бұқаралық ақпарат қызметкерлері мерекесіне орай бас редактор Жанай Амантурлин бастаған «Dender» газетінің бүгінгі ұжымы сала ардагерлеріне ерекше құрметін көрсетті.
Бұл жолы әдеттегідей кеңседе емес, демалыс күні ардагерлермен бірге табиғат аясына шығып мерекелік дастархан жайды.
"Қазақ журналистикасының қайраткері" Кеңес Сахи мен жұбайы Төлеу Ербөлекова екеуі Индер ауданы қайта құрылған 1965 жылдардан бастап редакцияда еңбек еткен болатын. Ардагерлер Маргарита Бозаева, Ақбілек Бектұрлиева, Сүйеу Халықовтың да абыройлы еңбектері көпке белгілі.
Газеттің бұрынғы бас редакторлары Ерсайын Көшеков пен Сансызбай Базарбаевтың жұбайлары Айман мен Гүлжан апалар да арамызда болды.
