"Ауыл көркі - ел көркі" демекші, осы мәселе соңғы кездері қауырт өркендеген Индербор кентіне өте қатысты екендігін облыстан келген басшылар Барлаушылар бөлігіндегі апатты жағдайдағы көп қабатты үйлерді көріп, тұрғындармен сөйлескенде де көздері жете түсті.

Тұрғын Гүлшат Бақсиқова 8 пәтерлік екі үй тұрғындары атынан талап-тілектерін Махамбет Жолдасқалиұлы бастаған облыс пен аудан басшыларына жеткізіп, қиын жағдайларын айтып, көмек сұрады.

Орынды тілектер тиісті басшылармен қабылданып, бұл бағытта ауданда алынып жатқан шаралармен таныстырды.

Атап айтқанда, бұл тұрғындар салынып жатқан үйлердің бітуіне орай жаңа пәтерлермен кезек-кезегіне қарай қамтылып отырылатын болды.

Олар да бұл жауаптарды қанағаттана қабылдады.

С.ХАЛЫҚОВ