Елтай ауылдық округіне карасты Аққала ауылында орналасқан 126 референдум учаскесінде дауыс беруге құқы бар 600адам тіркелген.

Комиссия төрағасы Камал Изимовтың айтуынша 18.00-ге дейін 457 адам дауыс беріп үлгерген. Соның ішінде ауылдың ең қарт тұрғыны 85жастағы Анастасия Васильева учаскеге өзі аяқтай келіп таңдауын жасап,барша ауыл азаматтары мен елімізге тыныштық, бейбітшілік тіледі.

Ал, 18 жастағы ең жас сайлаушы Айкөркем Қадим еліміз үшін маңызды республикалық референдумға қатысып, дауыс бергендігіне қуанышты екендігін жеткізді.

Жадыра НАРИМАНҚЫЗЫ