Индерде бүгін Қазақтың тұңғыш бард ақыны Табылды Досымов Аяшұлы атында еркін күрестен республикалық турнир басталды.
Жарыстың ашылу салтанатында аудан әкімінің орынбасары Артур Мурзин, бард ақынның достары атынан Талғат Досан, жұбайы Қарлығаш Ибатова, Индер еркін күрес федерациясының президенті Асқар Мұхсиев ақ тілектерін арнап, сайыскерлерге жеңіс тіледі. Сондай-ақ бард ақынның «Биіктік» әнін Алтынбек Бақтыгереев шырқаса, «Қазақ биін» «Бойтұмар» би ансамблі орындады.
Айта кетейік республикалық жарысқа Астана, Ақтөбе, Маңғыстау, Атырау облыстарынан палуандар қатысуда.
С.САНСЫЗБАЙҰЛЫ
cуреттер автордікі
