Елімізде өткен үлкен саяси додада мен де бағымды сынап көрдім. Өзім сайлауға түскен #4 бірмандаттық аумақтық округтен 354 сайлаушының дауысын жинап, жалпы үміткерлер арасында екінші орынға тұрақтадым. Өзім күткендей нәтижеге жетпесем де, бұл науқан мен үшін үлкен тәжірибе болды.
Осы сайлауға өз кандидатурамды ұсынуға шешім қабылдаған кезде және науқан бойы үнемі қолдау білдірген сайлаушыларға, сондай-ақ сенім білдірген сенімді өкілдеріме алғысымды білдіремін!
Қазақта "қуған жетпейді, бұйырған кетпейді" деген аталы сөз бар. Сондықтан, мәслихат депутаттығына өте алмағанымды тек бұйырмағаны деп қана білемін. Өзіме мүмкіндік берілген жерде де елім үшін қызмет етуге дайын екендігімді айтқым келеді.
Жаңа Қазақстанды құруға солай да үлес қосуға болады.
Темірлан Бертлеуов,
#4 бірмандаттық округтен кандидат
