Атырау өңірінде жергілікті уақытпен таңғы сағат 7.00-де ашылған 269 сайлау учаскесі өз жұмысын аяқтады. Оның 11-і – жабық. Олар медициналық мекемелерде, әскери бөлімдерде және уақытша ұстау изоляторларында орналасты. Физикалық мүмкіндігі шектеулі жандардың дауыс беру орындарына қолжетімділігі – айрықша бақылауда болды. Онда сайлаушылар бес бюллетеннен алды: Парламент Мәжілісі, облыстық және аудандық мәслихат кандидаттарына. Мүмкіндігі шектеулі сайлаушыларға барлық жағдай жасалды. Сайлау комиссиялары материалдық-техникалық жабдықтармен және методикалық құралдармен толық қамтылды.