Жоба аясында Х-ХІ сынып оқушылары сабақтан соң, сервистік мамандықтар бойынша білім алады, деп хабарлайды AtyrauPress тілшісі.
Кейін оларға орта білім аттестатымен бірге диплом беріледі. Пилоттық жоба Атырау көлік коммуникация колледжінде «автомобиль жөндеу слесарі», Атырау сервис колледжінде «аспаз» және Атырау энергетика және құрылыс колледжінде «электргазбен дәнекерлеуші» мамандығы бойынша іске асырылуда.
– Қазір осы колледждерде 57 оқушы білім алуда. Биылғы оқу жылында барлығы 27 оқушы «Аспаз», «Автомобиль жөндеу слесарі» мамандықтары бойынша диплом алады деп жоспарлануда, - деді облыстық білім беру басқармасының баспасөз хатшысы Эльмира Тұңғатарова.
